لا تنسوا الدعاء ل اهل غزه وفلسطين
فضلاً منكم الدعاء لوالدي بالرحمة والمغفرة
دليل كورس cs50X
الفهرس
| الفهرس | رقم |
|---|---|
| مقدمة | 1 |
| التسجيل في الكورس | 2 |
| تسليم المشاريع | 3 |
| ازاي تذاكر الكورس | 4 |
| ازاي تذاكر الكورس بالعربي | 5 |
| المذاكرة من الموبايل | 6 |
مقدمة
ملحوظة: الكورس هو مقدمة في اساسيات البرمجه، ولاكن مش اساسيات كامله عشان محدش يفهم غلط، بعد الكورس هتحتاج تذاكر اكتر وتشتغل علي نفسك
هحاول علي قد ما اقدر يكون الدليل دا فيه كل حاجه ممكن نستغلها عشان نذاكر الكورس بافضل طريقة ومن غير توهــان عشان بس تبقوا فاهمين الكورس دا فيه منه كذا نوع بس الدليل دا خاص ب cs50x وهو دا الكورس الأشهر ف العموم اول حاجه لو انت شخص جديد وماتعرفش ايه هو الكورس اصلا ف ممكن تشوف الفديو دا
لو حابب بردو نظره اعمق وتعرف هتدرس ايه في الكورس دا ممكن تتفرج علي الفديو دا
لو الشهادة مش فارقه معاك تجاهل الجزء دا
التسجيل في الكورس
نبداء بقي نتكلم في الجد
دلوقتي لو انت داخل الكورس وحابب تذاكر وتستفيد من الكورس وفي الاخر تاخد الشهاده من جامعة هارفارد فـ انت لازم تسجل في الكورس وتقدم ال problem set اللي بتطلب منك في كل اسبوع ولما بتخلص الكورس بيتطلب منك زي مشروع نهائي بعد ما بتقدمه ان شاء الله الجامعة بتديلك الشهادة
لو الشهادة مش فارقه معاك تجاهل الجزء دا
تسليم المشاريع
اول حاجه هنعمل اكونت علي
github
تاني حاجه هنحتاج اننا نسجل في ال codespace الخاصه بالكورس عشان نقدر من خلالها نقدم المطلوب مننا في كل اسبوع
دلوقتي انت قادر انك تسلم المشاريع وتتعامل عادي
دا فيديو فيه شرح لتسليم مشروع الاسبوع 0
المشروع دا طريقة تقديمه مختلفه عن باقي الاسابيع وعموماً هو اسهل مشروع
باقي المشاريع هتتقدم بطريقة مختلفه زي الفديو دا من اول الدقيقة 11:58
استعمال شات جي بي تي ممنوع ، ولو مضطر تستعمله لازم توضح له انه ميحلش ليك البروبليم وانت بتبعتها وفهمه ان دا امتحان وممنوع الغش
تقدر تستعمل الذكاء الاصطناعي بتاع الكورس نفسه في الحل وانه يوجهك من غير ما يغششك ادخل عليه من هنا
مدة التسليم
عموماً مفيش وقت محدد انت طول مالكورس مستمر متاح تسلم اي مشروع عادي ومن غير ترتيب كمان ولاكن في نقطة مهمه مدة الكورس: الكورس بيبقي ديما متاح لمدة سنة لحد يوم 1 شهر 1 من السنه الجديده بينزل الاصدار الجديد وعادي اول سنه بتقدر تكمل زي ما انت من غير مشاكل وطبعا لو نزلت اي مشاريع جديده في الاصدار الجديد هتبقي لازم تحلها عشان تقدر تاخد الشهادة
لاكن لو عدي سنتين عليك هتبقي لازم تقدم المشاريع من الاول عشان تقدر تكمل
بمعني لو انت كنت بتذاكر الكورس سنة 2024 ودخلت سنة 2025 وانت مخلصتش واتضاف مشاكل جديده
هتبقي لازم تحلها ووقتها هتاخد شهادتك عادي من غير مشاكل لاكن لو دخلت سنة 2026 كدا انت عديت المدة المتاحه هتبقي لازم تبعت المشاريع القديمه من الاول وتحل الجديد عشان تقدر تاخد شهادتك
ازاي تذاكر الكورس
مبدائياً انت تقدر تذاكر الكورس من:
ولاكن كل دا بالانجليزي فـ انت لو معندكش مشكله فالأنجليزي ذاكر بالانجليزي افضل طبعاً
في العموم انا مبرشحلكش انك تذاكر من بلاي ليست اليوتيوب لان في حاجات تانيه هتحتاج تفتح القناه وتجيبها من جوا زي
sections and shorts
وكل الكلام دا ف للنظام اكتر والترتيب والسهوله انا بحب اذاكر من
Cs50 website
وعندك
Edx
برده منظم ومرتب ولاكن الموقع بنسبالي بحسه تقيل ف انت اختار اللي يريحك منهم
هنفتح مثلا الاسبوع 1 من
Cs50 website
بيكون شرح ديفيد قدامكم
وتحت الفديو مكتوب
- Lecture
- Shorts
- Section
- Problem Set 1
خلينا نشرحهم حاجه حاجه
في ال
Lecture **
هيكون فديو شرح ديفيد وملفات الباور بوينت اللي هو شرح عليه والحلقه بصيغة ملف صوتي وسورس كود الامثلة اللي اتشرحت في الحلقة
Shorts
ودي بيكون فيها عدد حلقات صغير شرح مفصل عن كل جزئية ديفيد شرحها في الفديو
Section**
وهنا بيكون في شرح كامل زي ديفيد ولاكن فيه شغل عملي اكتر
لازم تتفرج عليهم لاني لاحظت ان ساعات حاجات بتتقال في الشورتس مثلا ديفيد مقالهاش وحاجات بتتقال في السكشن متذكرتش عند الشورتس او ديفيد ف لازم تتفرج عليهم كلهم
problem set
هنا هتلاقي البروبلم اللي مطلوب منك تحلها وتسلمها
لازم تحل كل المشاكل اللي موجوده في كل الاسابيع والمشروع النهائي عشان تاخد الشهاده.
اهمية الكورس هي في حلك للمشاكل اللي بيكلفوك بيها فـ حاول تحلها وبدون غش حتي لو انت مش غرضك الحصول علي الشهادة، لانها تعتبر هي اساس الكورس
طيب ازاي بتسلم ال
Problem Set
اقراء جزء
تسليم المشاريع
عشان محدش يتلغبط "المشروع - البروبليم سيت - المشاكل" كلهم شئ واحد بس انا بكتب كلمة مشروع عشان الموقع تنسيقه مش كويس ف الكتابه عربي وانجليزي فنفس السطر
لو انت مش مهتم بالشهادة وتسليم المشاريع فـ شوف الشرح دا عشان تثبت فيجوال استوديو والمكتبة بتاعت الكورس عندك علي الجهاز
ازاي تذاكر الكورس بالعربي
قبل ما نخش علي النقطه دي ف لازم تفهم ان المحتوي العربي يعتبر مساعد جنب المحتوي الاصلي وماينفعش تذاكر من العربي بس لازم تشوف المحتوي الاساسي للكورس وتقدر تشغل الترجمة للعربي علي الفديو عادي وممكن تتخطي الاجزاء اللي انت فاهمها
في مهندسين مصرين شرحوا الكورس علي قنواتهم علي اليوتيوب بالعربي وهما
كورس غريب الشيخ هو احدثهم بداء شهر مايو 2024 واكتمل.
تذاكر من مين ؟
في العموم انا انصحك تشوف ال 3 ولاكن لو انت وقتك ضيق فـ بحسب تجربتي ودا رائي الشخصي مش اكتر .. اقراء اللي جي وقرر من خلاله ايه يناسبك
- عاوز تذاكر كويس
- تاخد الشهاده
- عندك وقت
يبقي هرشحلك عبدالرحمن جمال ورشا عابدين
- مش عاوز الشهاده
- عاوز شرح سريع وسهل يتفهم
يبقي هرشحلك عبد الرحمن جمال وغريب الشيخ
للاسف عبدالرحمن جمال شرح لحد الاسبوع رقم 7 ورشا عابدين لحد الاسبوع رقم 8 فـ هتكمل باقي الكورس من بشمهندس غريب ان شاء الله
بشمهندسة رشا عامله لبعض المشاكل فديو خاص بيشرح ايه المطلوب لحل المشكلة دي فـ الفديوهات دي هتساعدك متنساش تبقي تشوفها
المذاكرة من الموبايل
عادي جداً تتعلم وتطبق وتحل من الموبايل ولاكن عشان اكون صريح معاك الموضوع هيكون فيه شوية صعوبة خصوصاً انك هتستعمل كيبورد الموبايل وكدا فـ الموضوع هيكون متعب ليك اكتر من انك لو استعملت لاب توب او كمبيوتر
لو هتذاكر من الموبايل وعاوز تاخد الشهاده فـ عادي جدا هتطبق نفس الكلام اللي فوق ومفيش اي مشاكل هتواجهك كله هيشتغل معاك بس زي ما قلتلك الموضوع هيبقي تقيل وعاوز شوية صبر
لو مش عاوز الشهاده فـ ممكن تستعمل برنامج هيبقي اسهل واخف في التطبيق شوية اسمه
replit
تقدر تحمله من جوجل بلاي عادي وتبداء تطبق عليه مع المذاكره
وهنا هتلاقي شرح التطبيق